„Vonbrigði. Vonbrigði með spilamennskuna og vonbrigði með úrslitin. Við áttum ekki mikið skilið úr þessum leik. Vorum á eftir í alla bolta og návígi, Víkingarnir grimmari.“ Þetta sagði Ólafur Kristjánsson, þjálfari Þróttar, aðspurður um fyrstu viðbrögð eftir leik kvöldsins.
Lestu um leikinn: Þróttur R. 0 - 1 Víkingur R.
„Spilamennskan okkar með boltann, hún var líka slök, ákvörðunartökur og gæði í því sem við vorum að gera. Þetta var slakasta frammistaðan okkar í sumar.“
„Það er hægt að velja örugglega hundrað leikplön og þú velur eitt og heldur þér við það. Við reyndum að færa til en það er alveg klárt að leikplanið gekk ekki upp í kvöld.“
Var eitthvað í leik Víkings sem kom ykkur á óvart í dag? „Víkingur er kraftmikið lið og koma inn í deildina með svona allt að vinna engu að tapa og eru ferskar, Þær eru með gott lið og góða einstaklinga. Komu sjálfum sér ekkert á óvart, bara hörkulið sem við mættum.“
Viðtalið má sjá í heild sinni í spilaranum hér fyrir ofan.