KÁ tók á móti Skallagrími í eina leik kvöldsins í 4. deildinni og komust heimamenn í tveggja marka forystu undir lok fyrri hálfleiks.

Kristján Ómar Björnsson og Ágúst Jens Birgisson skoruðu sitthvort markið á Ásvöllum áður en flautað var til leikhlés.

Hvorugu liði tókst að skora í síðari hálfleik fyrr en Bjarki Sigurjónsson setti boltann í netið seint í uppbótartíma til að gulltryggja góðan sigur KÁ.

KÁ er með þrjú stig eftir tvær umferðir en þetta var fyrsti leikur Skallagríms í deildarkeppninni.