Mídas og Stokkseyri áttust við í eina leik gærkvöldsins í 5. deildinni og komust heimamenn í þriggja marka forystu í fyrri hálfleik.

Liðin mættust á Víkingsvelli þar sem Daníel Arnþórsson, Tómas Helgi Ágústsson Hafberg og Kristófer Dagur Sigurðsson skoruðu mörkin í fyrri hálfleik.

Kristófer Dagur skoraði sitt annað mark á 69. mínútu og minnkaði Garðar Geir Hauksson muninn niður í 4-1 skömmu síðar, en heimamenn voru hvergi nærri hættir.

Kristófer bætti tveimur mörkum við leikinn til að fullkomna fernu, áður en Gunnar Hákon Unnarsson skoraði áttunda og síðasta mark leiksins.

Lokatölur 7-1 sigur Mídas sem er með sex stig eftir tvær fyrstu umferðirnar. Þetta var fyrsti leikur Stokkseyringa í sumar.