„Við vissum hvað við þyrftum að gera, erum búnir að vera spila vel en úrslitin ekki fallið með okkur. Við vissum að við værum með gæðin í að klára þennan leik. Í seinni hálfleik skinu gæðin í gegn og við tókum þetta," sagði Birgir Baldvinsson, leikmaður KA, eftir sigur gegn Vestra í 16-liða úrslitum Mjólkurbikarsins.
Vestri leiddi í leikhléi eftir mark í uppbótartíma en KA sneri taflinu við í seinni.
Vestri leiddi í leikhléi eftir mark í uppbótartíma en KA sneri taflinu við í seinni.
Lestu um leikinn: KA 3 - 1 Vestri
„Við ætluðum að spila boltanum aðeins hraðar og vera óhræddir við að taka menn á. Það er það sem við gerðum, stóðum saman sem lið og það innsiglaði þennan sigur."
Biggi lagði upp jöfnunarmarkið með fyrirgjöf á Rodri. „Boltinn datt bara þægilega fyrir mig og ég setti hann í hættulegt svæði og auðvitað var Rodri mættur og setti hann bara í netið."
„Þetta er æðislegt, svolítið kærkomið. Núna er að byggja ofan á þetta, taka Fylki í næsta leik og þá fer boltinn að rúlla. Þá getum við virkilega sýnt gæðin sem eru í þessu liði og sýnt að við eigum heima miklu ofar í töflunni en við erum."
„Standið á mér er flott, hljóp af mér rassgatið í þessum leik. Við vorum í stífri þjálfun úti (í Bandaríkjunum). Æðislegt að vera kominn heim og æðislegt að fá traustið frá Hadda (þjálfara). Það er svo gott að fá allar þessar mínútur í líkamann."
Birgir lék í vinstri vængbakverði framan af leik. „Mér finnst æðislegt að fá eiginlega allan kantinn fyrir mig, geta brunað upp og niður. Mér finnst það alveg geggjað," sagði Biggi.
Í viðtalinu fer Biggi yfir aukaspyrnumarkið hans Bjarna Aðalsteinssonar. Hann ræðir einnig um veruna sína í Bandaríkjunum en hann er þar að klára háskólanám.
Seinni hálfleikur rétt farinn af stað þegar KA jafnar! Rodrigo Gomes skilar fyrirgjöf Birgis Baldvinssonar í markið og staðan er 1-1 á Akureyri ???? pic.twitter.com/0DcN2xueey
— RÚV Íþróttir (@ruvithrottir) May 15, 2024
Athugasemdir