Kúbverska söngkonan Camila Cabello var verulega ósátt við hegðun stuðningsmanna á meðan hún reyndi að skemmta áhorfendum fyrir leik Liverpool og Real Madrid í úrslitaleik Meistaradeildar Evrópu í gær.
Cabello er stórt nafn í tónlistarbransanum og hefur gefið frá sér marga vinsæla smelli en hún var fengin til að syngja fyrir stórleikinn í París.
Stuðningsmenn beggja liða voru ekki á þeim buxunum að syngja í takt við Cabello og heyrðist það vel í útsendingunni.
Cabello kvartaði yfir þessu á Twitter í gær og segir þetta dónalega framkomu í hennar garð.
„Ég er að horfa á þetta aftur og ég hreinlega trúi því ekki að fólk hafi verið að syngja eigin liðssöngva og það svona hátt á meðan við vorum að spila. Ég og teymi mitt lögðum mikið á okkur til að koma með réttu orkuna í þetta og gera þetta að góðri sýningu."
„Þetta var mjög dónalegt en þetta skiptir ekki máli. Ég er ánægð að þið elskuðuð þetta," sagði Cabello áður en hún eyddi færslunum.
.@Camila_Cabello deleted these tweets with a quickness pic.twitter.com/db728VxPs7
— Kevin (@kevinaclarke) May 28, 2022
Athugasemdir