Lestu um leikinn: FH 1 -  1 Tindastóll

Tindastóll er einungis annað liðið sem nær að taka stig af FH í deildinni og var útlit fyrir að það yrði fyrsta liðið til að vinna FH en heimakonur jöfnuðu leikinn þegar sjö mínútur voru eftir.

Liðin eru bæði með 20 stig í efstu tveimur sætunum en FH með betri markatölu. Donni segir að ekkert annað lið eigi eftir að taka stig af FH-ingum í Kaplakrika og fagnar því stiginu.

„Ég er mjög ánægður með stigið og stoltur af mínu liði að halda svona lengi út gegn FH. Það er ekkert eitt einasta lið sem mun nokkurn tímann taka stig hérna í þessari deild á þessu ári," sagði Donni.

Hann var mest óánægður með markið en það var misheppnað skot sem fór af varnarmanni og í netið.

„Hundleiðinlegt að markið skildi hafa verið svona ömurlegt. Misheppanð skot sem fór í einhvern og inn. Ég hefði frekar viljað fá eitthvað hjólhestaspyrnumark á okkur ef við myndum fá mark á okkur."

„Við gerðum vel í mörgu. Hefðum getað haldið boltanum betur og passað hann aðeins þá sérstaklega í seinni hálfleik en þetta var allt í lagi í fyrri hálfleik. Heilt yfir ánægð með þetta stig," sagði hann ennfremur en hann talar einnig um að vera kominn aftur á Sauðárkrók, ástandið og hópnum og fleira í viðtalinu sem má sjá hér fyrir ofan.

Tweet

Senda a Facebook Hafdu samband Senda frétt Prenta frétt Frétta leit