Ari Leifsson er kominn í 8-liða úrslit
Ari Leifsson og hans menn í Kolding eru komnir áfram í 8-liða úrslit danska bikarsins.
Varnarmaðurinn var í byrjunarliði Kolding sem vann BK Frem, 2-0, á útivelli.
Síðast komst Kolding í 8-liða úrslit tímabilið 2021-2022 en tapaði þá fyrir Vejle.
Atli Barkarson og félagar í Zule-Waregem unnu Dender, 2-1 og komust áfram í 16-liða úrslit. Atli byrjaði á bekknum en spilaði síðustu mínútur leiksins.
Birkir Bjarnason kom þá inn af tréverkinu á 78. mínútu er Brescia gerði 1-1 jafntefli við Spezia í B-deildinni á Ítalíu. Brescia er í 9. sæti með 14 stig.
Óttar Magnús Karlsson byrjaði hjá Spal sem gerði 1-1 jafntefli við Pianese, en hann fór af velli eftir tæpan klukkutíma. Spal er í næst neðsta sæti B-riðils C-deildar með 8 stig.
Athugasemdir
