Gareth Bale hefur ekki átt gott heimsmeistaramót með Wales þó hann hafi skorað eina mark liðsins á mótinu.
Markið gerði hann úr vítaspyrnu sem hann fiskaði sjálfur á 82. mínútu gegn Bandaríkjunum. Wales fékk stig úr þeirri viðureign sem reyndist eina stig liðsins á mótinu.
Wales féll úr leik í gærkvöldi með 3-0 tapi gegn Englendingum sem voru augljóslega gæðaflokki ofar. Bale var lítið annað en farþegi í leiknum og snerti boltann aðeins sjö sinnum áður en honum var skipt útaf í hálfleik.
Bale fann fyrir meiðslum aftan í læri áður en hann bað um skiptingu og spilaði því hluta fyrri hálfleiksins meiddur.
Af þeim leikmönnum sem hafa byrjað alla þrjá leiki riðlakeppninnar hingað til er Bale sá sem á næstfæstar snertingar á boltann í heildina, eða 77 talsins.
Almoez Ali, sóknarmaður og markavél landsliðs Katars, er með fæstar snertingar af öllum sem hafa byrjað þrjá leiki í riðlakeppni, eða 71.
Bale er goðsögn í Wales og mögulega besti leikmaður sem hefur nokkurn tímann komið þaðan þó samkeppnin sé hörð.
Wales is going home. But at least they get to go home to Wales. Diolch and see you soon! 🏴 ❤️
— Rob McElhenney (@RMcElhenney) November 29, 2022