Saul Niguez, miðjumaður Spánarmeistara Atletico Madrid, hefur fengið þau skilaboð að hann fái ekki að fara til Chelsea.
Chelsea vill fá Spánverjann á láni með möguleika um kaup í framtíðinni. Samkvæmt heimildum Mail ætlaði Atletico að hleypa Saul í burtu en ákvað um helgina að hann færi hvergi.
Chelsea vill fá Spánverjann á láni með möguleika um kaup í framtíðinni. Samkvæmt heimildum Mail ætlaði Atletico að hleypa Saul í burtu en ákvað um helgina að hann færi hvergi.
Atletico gæti verið opið fyrir því að selja leikmanninn en ljóst er að hann er ekki á leið á láni til Chelsea.
Saul er 26 ára miðjumaður sem uppalinn er hjá Real og Atletico Madrid. Hann á að baki 19 A-landsleiki en er ekki í landsliðshópnum fyrir komandi verkefni.
Chelsea er þá í viðræðum við Sevilla um kaup á Jules Kounde en Sevilla er sagt vilja fá um 55 milljónir punda í miðvörðinn. Síðasta tilboð Chelsea hljóðaði upp á 43 milljónir.
Athugasemdir