Danmerkurmeistarar FCK hafa fengið nýjan leikmann til félagsins en Christian Nikolaj Sörensen er kominn frá Viborg.
Sörensen er fæddur árið 1992 og getur spilað nokkrar stöður, þó einna helst í vinstri bakverði.
Hann hefur átt frábært tímabil til þessa og skorað 2 mörk og lagt upp 3 fyrir Viborg.
Leikmaðurinn hefur nú fært sig yfir til dönsku meistaranna í FCK en Þróttarar ættu að þekkja Sörensen vel, enda spilaði hann með þeim sumarið 2016.
Sörensen spilaði 12 leiki og skoraði 2 mörk fyrir Þrótt í Pepsi-deildinni er Þróttur féll og yfirgaf hann liðið eftir tímabilið og samdi við Fredericia.
FCK hefur byrjað tímabilið illa. Liðið er í 8. sæti með 9 stig eftir sjö leiki.
Athugasemdir