,,Ég hefði viljað vinna leikinn en þetta var stál í stál, tvö lið á sama stað í töflunni og úrslitin eftir því," sagði Ólafur Helgi Kristjánsson þjálfari Breiðabliks eftir 1-1 jafntefli við Keflavík í kvöld.
Lestu um leikinn: Keflavík 1 - 1 Breiðablik
Breiðablik sótti mikið upp vinstri kantinn í fyrri hálfleiknum.
,,Við vildum fara meira upp þar í holuna, við erum með ákveðin sóknarstyrkleika þar og erum samanspilaðir þar og vildum nýta okkur það. Við sköpuðum kannski ekki mark upp úr því beint. Við þurfum að variera meira."
Ólafur hefur verið að gefa ungum mönnum tækifæri að undanförnu og til dæmis var Jökull Elísabetarson kominn á bekkinn í dag.
,,Þetta er ekkert nýtt og er búið að vera hjá okkur í langan tíma. Ef menn standa sig þá fá þeir sénsinn og þá er rétt að kíkja í passann þeirra hvenær þeir eru fæddir. Mér fannst vera ástæða til að breyta frá síðasta leik og þá eru ungir menn til staðar."
Nánar er rætt við Ólaf í sjónvarpinu að ofan.
