,,Ég er mjög glaður, það er ekki annað hægt. Bæði með árangrinum og spilamennskunni held ég að allir geti verið sammála um að við vorum besta liðið,“ saðgi Skúli Jón Friðgeirsson varnarmaður KR við Fótbolta.net eftir að liðið tryggði sér Íslandsmeistaratitilinn í dag.
Lestu um leikinn: KR 3 - 2 Fylkir
KR tryggði sér titilinn með 3-2 sigri á Fylki en liði hefur nú orðið 25. sinnum Íslandsmeistari. KR-ingar fá því fimmtu stjörnuna á búninginn sinn en lið fá stjörnu fyrir hverja fimm titla.
,,Ég býst við að Lúlli (Lúðvík Jónsson, búningastjóri) fari beint inn og smelli fimmtu stjörnunni á fyrir síðasta leikinn," sagði Skúli sem ætlar að fagna titlinum í kvöld.
,,Ég veit ekki alveg hvernig það verður. Það þorði enginn að segja hvað yrði ef við myndum klára þetta þannig að ég bíð spenntur efti rað sjá hvað kvöldið ber í skauti sér.“
Hér að ofan má sjá viðtalið í heild sinni.
