Í flestum spá fyrir Pepsi-deildina er Selfossi spáð neðsta sæti. Logi Ólafsson er við stjórnvölinn hjá nýliðunum sem fá ÍBV í heimsókn annað kvöld.
„Það er mikil tilhlökkun. Þetta verður auðvitað erfiður leikur og miðað við þá trú sem aðrir hafa á okkur þá fáum við varla stig í þessari deild. Við ætlum að afsanna það," segir Logi.
„Við erum ákveðnir í að halda okkur í þessari deild og til þess þurfum við að vinna leiki."
Það ætti að espa leikmenn hans upp að afsanna þessar hrakspár?
„Það skilur enginn í hópnum hvað þetta er. Það eru svo margir útlendingar sem skilja ekkert í íslensku svo við höfum engar áhyggjur af þessu. Þeir hafa ekki grun um hvað er að gerast," segir Logi.
Viðtalið við Loga má sjá í heild sinni í sjónvarpinu hér að ofan.
Athugasemdir
