Pep Guardiola knattspyrnustjóri Manchester City var að vonum vonsvikinn í leikslok.

„Þeir sóttu mikið á okkur vinstra meginn á vellinum og við náðum ekki að höndla það nóg og vel. Við höfum oft spilað verr en þetta og unnið."

„Hvernig við spiluðum í fyrri hálfleik var frábært, þeir náðu ekki að skapa sér mörg færi en tókst engu að síður að skora, við börðumst allt til enda," sagði Guardiola.

Manchester City hefði getað komist að nýju í toppsætið með sigri, Guardiola segir að þeir muni gera sitt allra besta til þessa verja titilinn.

„Við munum gera okkar allra besta við að reyna verja titilinn, allir vilja vinna okkur. En nú er ekkert annað að gera en að einbeita sér að næsta leik sem er í Meistaradeildinni."

Manchester City mætir Hoffenheim í Meistaradeildinni á þriðjudaginn.