Færeyski landsliðsmaðurinn, Rene Joensen leikmaður Grindavíkur er ekki á förum frá Grindavík eins og færeyskir fjölmiðlar greindu frá í morgun.
Þar var hann sagður vera á leiðinni til HB, liðsins sem Heimir Guðjónsson þjálfar. Við greindum frá því fyrr í dag.
Þar var hann sagður vera á leiðinni til HB, liðsins sem Heimir Guðjónsson þjálfar. Við greindum frá því fyrr í dag.
Srdjan Tufegdzic þjálfari Grindavíkur sagði í samtali við Fótbolta.net að ekkert væri til í þessum sögusögnum. René hafi komið af fjöllum þegar Tufa spurði hann út í málið fyrr í dag.
„Þetta er ekki í fyrsta skipti sem færeyskir fjölmiðlar greina frá því að Rene sé á förum frá Grindavík. Það er ekkert til í þessu. Rene er leikmaður Grindavíkur og verður það áfram," sagði Tufa í samtali við Fótbolta.net.
Hann benti á að ef HB hefði áhuga á að fá René í sumar þá þyrfti félagið að ræða það við Grindavík þar sem leikmaðurinn væri samningsbundinn félaginu. Rene er samningsbundinn Grindavík til 1. nóvember á þessu ári.
Rene Joensen er 26 ára kantmaður og er á sínu þriðja tímabili með Grindavík. Hann hefur leikið alla fimm leiki liðsins í Pepsi Max-deildinni til þessa.
Athugasemdir