Fernando Forestieri, sóknarmaður Sheffield Wednesday, hefur verið dæmdur í sex leikja bann fyrir kynþáttafordóma.
Atvikið átti sér stað í æfingaleik gegn Mansfield á síðasta ári. Argentíski-Ítalinn var einnig sektaður um 25 þúsund pund, sem jafngilda rúmlega 3,7 milljónum íslenskra króna.
Hann ætlar að áfrýja dómnum og er honum frjálst að spila á meðan ákvörðun er tekin um áfrýjun hans.
„Ég er miður mín og vonsvikinn," sagði Forestieri um dóminn hjá aganefnd.
Hann hefur alltaf neitað sök í málinu.
Ef bannið stendur mun hann missa af fyrstu sex leikjum Sheffield Wednesday á tímabilinu.
Athugasemdir