Sveinn Aron æfir með strákaliði Barcelona skipað leikmönnum 8 og 9 ára, en Eiður segir ótrúlegt hversu góðir guttarnir í þessum árgangi eru.

,,Hann (Sveinn Aron) æfir með 8 ára guttunum og það er ótrúlegt hversu góðir þeir eru. Þeir spila einnar snertingar fótbolta og leika boltanum gríðarlega vel sín á milli. Sonur minn elskar að spila þess konar fótbolta,” sagði Eiður Smári.

Þess má geta að Eiður Smári gat þess í viðtali í Kastljósi fyrr í mánuðinum að Sveinn Aron sé gríðarlega hæfileikaríkur, og á hann eflaust eftir að ná langt þegar fram líða stundir.