Ótrúlegt gengi Liverpool virðist engan endi ætla að taka en liðið vann og hélt hreinu gegn Southampton í dag.
Staðan var markalaus eftir jafnan fyrri hálfleik en gæðamunur liðanna skein í gegn eftir leikhlé og skoruðu heimamenn fjögur mörk.
Roberto Firmino lagði tvö fyrstu mörkin upp fyrir Alex Oxlade-Chamberlain og Jordan Henderson áður en Henderson gaf stungusendingu á Mohamed Salah, sem brást ekki bogalistin.
Fjórða markið kom í uppbótartíma og aftur var Salah á ferðinni, í þetta sinn eftir þriðju stoðsendingu Firmino í leiknum.
Liverpool er með 24 sigra og 1 jafntefli eftir 25 umferðir.
Liverpool 4 - 0 Southampton
1-0 Alex Oxlade-Chamberlain ('47 )
2-0 Jordan Henderson ('60 )
3-0 Mohamed Salah ('72 )
4-0 Mohamed Salah ('90 )
Sheffield United er þá komið í fimmta sæti deildarinnar eftir sigur gegn Crystal Palace á Selhurst Park.
Vicente Guaita, markvörður Palace, gerði eina mark leiksins á skondinn hátt. Hann ætlaði að grípa hornspyrnu Oliver Norwood en lenti í einhverjum erfiðleikum og endaði á að hoppa með boltann í eigið mark.
Gylfi Þór Sigurðsson var í byrjunarliði Everton sem lenti 2-0 undir gegn Watford en náði að snúa stöðunni við, þrátt fyrir að missa mann af velli.
Kólumbíski miðvörðurinn Yerry Mina gerði tvennu í uppbótartíma fyrri hálfleiks, seinna markið skoraði hann eftir hornspyrnu frá Gylfa.
Fabian Delph fékk sitt annað gula spjald á 71. mínútu en það virtist ekki hafa áhrif á lærisveina Carlo Ancelotti, sem náðu að pota inn sigurmarki undir lokin. Theo Walcott skoraði þá eftir góða skyndisókn.
Crystal Palace 0 - 1 Sheffield Utd
0-1 Vicente Guaita ('58 , sjálfsmark)
Watford 2 - 3 Everton
1-0 Adam Masina ('10 )
2-0 Roberto Pereyra ('42 )
2-1 Yerry Mina ('45 )
2-2 Yerry Mina ('45 )
2-3 Theo Walcott ('90 )
Rautt spjald: Fabian Delph, Everton ('71)
West Ham tók þá á móti Brighton og úr varð hin mesta skemmtun. Robert Snodgrass lagði upp og skoraði tvö mörk en gestirnir frá Brighton gáfust ekki upp.
Pascal Gross og Glenn Murray náðu að jafna leikinn með tveimur mörkum á fjögurra mínútna kafla og urðu lokatölur 3-3.
Að lokum átti Bournemouth heimaleik við nýliða Aston Villa og komust heimamenn tveimur mörkum fyrir leikhlé.
Jefferson Lerma fékk sitt annað gula spjald snemma í síðari hálfleik og því þurftu heimamenn að klára leikinn einum manni færri.
Mbwana Samatta, sem er nýkominn til Villa frá Genk, fór beint inn í byrjunarliðið og lék allan leikinn. Hann gerði eina mark Villa í dag á 70. mínútu en nær komust nýliðarnir ekki.
West Ham 3 - 3 Brighton
1-0 Issa Diop ('30 )
2-0 Robert Snodgrass ('45 )
2-1 Angelo Ogbonna ('47 , sjálfsmark)
3-1 Robert Snodgrass ('57 )
3-2 Pascal Gross ('75 )
3-3 Glenn Murray ('79 )
Bournemouth 2 - 1 Aston Villa
1-0 Philip Billing ('37 )
2-0 Nathan Ake ('44 )
2-1 Mbwana Samatta ('70 )
Rautt spjald: Jefferson Lerma, Bournemouth ('51)
Newcastle 0 - 0 Norwich
Stöðutaflan
England
Premier league - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Arsenal | 36 | 26 | 5 | 5 | 88 | 28 | +60 | 83 |
2 | Man City | 35 | 25 | 7 | 3 | 87 | 33 | +54 | 82 |
3 | Liverpool | 36 | 23 | 9 | 4 | 81 | 38 | +43 | 78 |
4 | Aston Villa | 36 | 20 | 7 | 9 | 73 | 53 | +20 | 67 |
5 | Tottenham | 35 | 18 | 6 | 11 | 69 | 58 | +11 | 60 |
6 | Newcastle | 35 | 17 | 5 | 13 | 78 | 56 | +22 | 56 |
7 | Chelsea | 35 | 15 | 9 | 11 | 70 | 59 | +11 | 54 |
8 | Man Utd | 35 | 16 | 6 | 13 | 52 | 55 | -3 | 54 |
9 | West Ham | 36 | 13 | 10 | 13 | 56 | 70 | -14 | 49 |
10 | Bournemouth | 36 | 13 | 9 | 14 | 52 | 63 | -11 | 48 |
11 | Brighton | 35 | 12 | 11 | 12 | 53 | 57 | -4 | 47 |
12 | Wolves | 36 | 13 | 7 | 16 | 49 | 60 | -11 | 46 |
13 | Fulham | 36 | 12 | 8 | 16 | 51 | 55 | -4 | 44 |
14 | Crystal Palace | 36 | 11 | 10 | 15 | 49 | 57 | -8 | 43 |
15 | Everton | 36 | 12 | 9 | 15 | 38 | 49 | -11 | 37 |
16 | Brentford | 36 | 9 | 9 | 18 | 52 | 60 | -8 | 36 |
17 | Nott. Forest | 36 | 8 | 9 | 19 | 45 | 63 | -18 | 29 |
18 | Luton | 36 | 6 | 8 | 22 | 49 | 78 | -29 | 26 |
19 | Burnley | 36 | 5 | 9 | 22 | 39 | 74 | -35 | 24 |
20 | Sheffield Utd | 36 | 3 | 7 | 26 | 35 | 100 | -65 | 16 |
Athugasemdir