Just Fontaine, sem á metið yfir flest mörk á einu stöku heimsmeistaramóti karla, er látinn. Hann var 89 ára gamall þegar hann lést.
Fontaine fæddist í Marokkó en spilaði fyrir franska landsliðið. Hann skoraði 13 mörk í sex leikjum á HM í Svíþjóð árið 1958. Það er met yfir flest mörk á einu HM, en það met stendur enn í dag.
Fontaine skoraði alls 30 mörk í 21 A-landsleik með Frakklandi.
Hann spilaði með USM Casablanca, Nice og Reims á sínum félagsliðaferli en þurfti að leggja skóna á hilluna snemma út af meiðslum.
Eftir að ferlinum lauk sneri Fontaine sér að þjálfun en hann stýrði franska landsliðinu, Luchon, Paris Saint-Germain, Toulouse og landsliði Marokkó.
Hvíl í friði, Just Fontaine.
Athugasemdir