„Mjög vel. Þeir herjuðu á okkur, þeir herjuðu heldur betur á okkur í byrjun leiks. Fyrstu 20-25 voru þeir gríðarlega sterkir og við vorum heppnir að vera ekki 1-0 undir, við vorum alltof soft á þessum tímapunkti og það kann aldrei góðri lukku að stýra á móti þessu liði. Eftir vítið fannst mér svona við taka yfir og seinni hálfleikurinn var virkilega öflug frammistaða þar sem við sýndum allar okkur bestu hliðar, bæði í varnarleik og sóknarleik." voru fyrstu viðbrögð Arnars Gunnlaugssonar þjálfara Víkinga eftir góðan 3-0 sigur á KR á Meistaravöllum.
Lestu um leikinn: KR 0 - 3 Víkingur R.
KR byrjaði leikinn betur fyrstu 25 mínútur leiksins en síðan komust Víkingar inn í leikinn og komumst yfir þegar Nikolaj Hansen skoraði af vítapunktinum. Seinni hálfleikurinn hjá Víkingum var frábær og var Arnar spurður hvað hann hafi rætt við sína stráka í hálfleik.
„Ég sagði bara við þá á tæri Íslensku, íslenska 101. Það þýðir ekki að mæta á þennan völl og vera svona soft eins og við vorum í fyrri hálfleik. Ákveðnir aðilar áttu inni góða frammistöðu í seinni hálfleik. Pablo var stórkostlegur í seinni hálfleik og fleiri aðilar. Stundum þarf bara að fá spark í rassgatið og það á ekki að þurfa þegar þú mætir á þennan völl og svona mikilvægur leikur undir."
„Stundum fer hausinn á leikmönnum eitthvað allt annað, menn voru komnir aðeins frammúr sér og kannski komnir í sólina í Svíþjóð en það átti eftir að klára þennan leik og við gerðum það með stæl."
Leikurinn í kvöld var mikið stopp og mikið af brotum út á velli og var Arnar Gunnlaugsson spurður út í hvort leikurinn hefði ekki mátt fljóta meira.
„Það er gaman að það sé hiti og læti. Þetta er mjög erfiður leikur fyrir dómara að dæma. Þetta er bara saga á milli þessara liða síðustu tvö-þrjú ár og hélt svo sannarlega áfram í dag. Það var ágætis flæði inn á milli en það voru stórar ákvarðanir sem fengu að sleppa. Mér fannst þetta mjög skemmtilegur leikur þannig séð, það voru gæði í fótboltanum inn á milli en fyrst og fremst var hann skemmtilegur því það var tel tekist á."
Viðtalið í heild sinni má sjá í sjónvarpinu hér að ofan.
