Einnig sektaður um 50 þúsund pund
Rauða spjaldið á loft.
Jack Stephens, varnarmaður Southampton, hefur fengið tvo leiki til viðbótar í leikbann ofan á þriggja leikja bann sem hann fékk eftir að hafa fengið rautt spjald gegn Manchester United á dögunum.
Stephens fékk rauða spjaldið fyrir tæklingu á Alejandro Garnacho, kantmanni United. Hann var bálreiður þegar hann fékk spjaldið og lét öllum illum látum eftir það.
The Athletic hefur dóminn undir höndum í honum segir að Stephens hafi kallað fjórða dómarann „andskotans litla tussu (e. cunt)".
Hann sagði það tvisvar við fjórða dómarann og notaði svo sama orð til að lýsa aðaldómaranum, Stuart Attwell.
Stephens fær núna alls fimm leikja bann og 50 þúsund pund í sekt. Það eru um 9,4 milljónir íslenskra króna.
Stephens baðst innilegrar afsökunar og segir að blótsyrðin hafi verið út úr karakter fyrir sig. Hann segist bera ábyrgð sem fyrirliði og þjálfari U16 liðs Southampton en hann er mjög vonsvikinn með sjálfan sig.
Stephens hefur nú þegar misst af leik gegn Everton í deildabikarnum og leikjum gegn Ipswich og Bournemouth í ensku úrvalsdeildinni. Hann mun núna einnig missa af leikjum við Arsenal og Leicester í deildinni.
Athugasemdir
