Þróttarar unnu góðan sigur á ÍR
Þróttur V. er fyrsta liðið til að vinna ÍR í 2. deildinni í sumar en liðið vann öruggan 3-0 sigur á Vogaídýfuvellinum í kvöld.
Guðni Sigþórsson skoraði undir lok hálfleiksins áður en Kári Sigfússon tvöfaldaði forystuna á 62. mínútu. Adam Árni Róbertsson gerði þá út um leikinn sextán mínútum síðar.
Þessi sigur fleytir Þrótturum upp í annað sæti deildarinnar með 10 stig en ÍR er áfram á toppnum, með betri markatölu.
KFA og Höttur/Huginn gerðu 1-1 jafntefli í Fjarðabyggðarhöllinni. Víðir Freyr Ívarsson gerði mark Hattar/Hugins á 39. mínútu en Esteban Selpa jafnaði þegar tæpur hálftími var eftir.
KFA er í þriðja sæti með 9 stig en Höttur/Huginn í 7. sæti með 5 stig.
Úrslit og markaskorarar:
KFA 1 - 1 Höttur/Huginn
0-1 Víðir Freyr Ívarsson ('39 )
1-1 Esteban Selpa ('66 )
Þróttur V. 3 - 0 ÍR
1-0 Guðni Sigþórsson ('45 )
2-0 Kári Sigfússon ('62 )
3-0 Adam Árni Róbertsson ('78 )
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
