Skoski vinstri bakvörðurinn Aaron Hickey mun gangast undir læknisskoðun hjá enska úrvalsdeildarfélaginu Brentford í næstu viku áður en hann skrifar undir fimm ára samning en það er Fabrizio Romano sem greinir frá.
Hickey er 20 ára gamall vinstri bakvörður sem hefur spilað með Bologna á Ítalíu síðustu tvö árin.
Hann kom til félagsins frá Hearts í Skotlandi og náði strax að vinna sér sæti í liði Bologna.
Á þessum tveimur árum hefur hann spilað 47 leiki í Seríu A og gert fimm mörk.
Hickey er nú reiðubúinn í að spila í ensku úrvalsdeildinni en Brentford hefur komist að samkomulagi við Bologna um að kaupa leikmanninn á 14 milljónir punda.
Hann mun halda til Englands í næstu viku og gangast undir læknisskoðun áður en hann krotar undir fimm ára samning.
Skotinn verður fyrsti leikmaðurinn sem Thomas Frank fær til félagsins í þessum glugga.
Athugasemdir