Jose Mourinho, stjóri Tottenham, segist hafa unnið allt mögulegt með Manchester United eða þá titla sem voru í boði fyrir félagið að vinna.
Mourinho vann þrjá titla á Old Trafford á sínum tíma eða Evrópudeildina, deildabikarinn og Samfélagsskjöldinn.
United komst einnig í úrslitaleik FA bikarsins tímabilið 2017-2018 og hafnaði í öðru sæti deildarinnar.
Seinna var Mourinho rekinn frá stórliðinu og tók við Tottenham í kjölfarið. Hann mætir sínum gömlu lærisveinum á sunnudaginn.
„Stuðningsmennirnir vita það að ég gaf allt sem ég gat í verkefnið," sagði Mourinho.
„Ég vann það sem var hægt að vinna. Ég vann ekki það sem var ekki í boði að vinna. Ég gaf allt í þetta."
„Ég eignaðist marga vini og kynntist frábæru fólki hjá félaginu. Ég hef bara góðar minningar þaðan en ég verð að gleyma þeim í 90 mínútur því í þessar 90 mínútur vil ég vinna. Þannig er fótboltinn."
Athugasemdir