Egypska stórstjarnan Mohamed Salah er líklega ekki að fara að framlengja samning sinn við Liverpool sem rennur út eftir tímabilið. Þetta kemur fram í glænýju viðtali við Sky Sports.
Í því viðtali segist Salah ekki þrá neitt heitar en að vinna titla á sínu síðasta tímabili með Liverpool og opnar sig um samningsviðræðurnar við félagið. Hann segir að samkomulag sé mjög langt frá því að vera í höfn.
„Ég vil gera eitthvað sérstakt fyrir borgina á mínu síðasta tímabili hjá félaginu," sagði Salah í miðju viðtali þegar hann talaði um hversu mikið hann þráir að vinna titla á næstu mánuðum. Fréttamaður Sky spurði hann út í ummælin.
„Það lítur út fyrir að þetta sé síðasta árið mitt hérna. Samkomulag er ekki nálægt því að vera í höfn, það eru engar framfarir í viðræðunum og ég get ekki annað gert en að bíða og sjá hvað gerist.
„Ég vil eiga ótrúlegt tímabil með Liverpool."
Athugasemdir
