Amanda Andradóttir er yngsti leikmaðurinn sem tekur þátt á EM í sumar. Hún er aðeins 18 ára gömul, en er hluti af íslenska landsliðshópnum þrátt fyrir ungan aldur.
Amanda spjallaði við fréttamann Fótbolta.net eftir æfingu liðsins í Þýskalandi en þar er liðið að undirbúa sig fyrir EM.
Amanda spjallaði við fréttamann Fótbolta.net eftir æfingu liðsins í Þýskalandi en þar er liðið að undirbúa sig fyrir EM.
„Þær eru allar svo ‘nice’ hérna og mjög létt að komast inn í hópinn. Það er alltaf mjög gaman að hitta stelpurnar,” segir Amanda.
Þessi efnilegi leikmaður gat einnig valið að spila fyrir norska landsliðið, en valdi frekar það íslenska. Hún kemur úr mikilli fótboltafjölskyldu þar sem faðir hennar er Andri Sigþórsson og frændi hennar er Kolbeinn Sigþórsson.
Spurð hvort hún sjái eftir því að hafa valið íslenska landsliðið, þá segir hún: „Alls ekki. Ég er mjög ánægð hérna. Ég sé ekkert eftir því. Það er mjög gaman að vera hérna.”
Hún kveðst mjög spennt fyrir því að fara á EM með Íslandi. „Það er mjög stórt að fara á EM og ég er mjög spennt.”
Allt viðtalið er í spilaranum hér að ofan.
Sjá einnig:
Ísland eina landið sem á tvær á lista yfir stjörnur framtíðarinnar
Athugasemdir