Móttaka og sending er stór hluti af kennsluáætlun okkar í Coerver Coaching.

Kennsluáætlun Coerver Coacing

Knattstjórnun
Einn bolti á hvern leikmann. Æfingar hvar áhersla er lögð á að
þjálfa jafnt báðar fætur og stöðugar endurtekningar

Móttaka og Sending
Æfingar og leikir sem þjálfa upp góða fyrstu snertingu á bolta
og sömuleiðis nákvæmar og skapandi sendingar

Hreyfingar 1v1
Æfingar og leikir sem þjálfa upp færni leikmanna í stöðunni
1v1 og hjálpa viðkomandi í að búa til pláss gegn þéttri vörn mótherjanna

Hraði
Æfingar og leikir sem leggja áherslu á að bæta hraða, kraft og
samhæfingu með og án bolta

Klárun
Æfingar og leikir sem leggja áherslu á að bæta tækni og
ákvarðanartöku fyrir framan markið

Spilæfingar
Æfingar og leikir í smáum hópum sem leggja áherslu á hraðar sóknir
Vissirðu það að fyrsta leiðin til að bæta móttöku og sendingu er að æfa knattstjórnun?
Xavi Hernandes fyrrum leikmaður Barcelona og Spænska landsliðsins er af mörgum talin besti sendingamaður allra tíma. Xavi segir þetta um knattstjórnun
„Knattstjórnun er grunnurinn sem þú getur byggt alla aðra þætti leiksins út frá“ –
Knattstjórnun(ball mastery) er að mörgu leiti vanmetin þáttur í knattspyrnuþjálfun. Ég hvet alla unga leikmenn til að æfa vel knattstjórnun og alla þjálfara yngri flokka að vera með knattstjórnun sem hluta af æfinga uppbyggingunni. Mjög gott er t.d. að nota knattstjórnun sem upphitum.

Hér er lítil heimaæfing fyrir þá sem vilja byrja að æfa sig
Eins og Xavi segir þá styrkir knattstjórnun aðra þætti leiksins.

Leikmaður sem er duglegur að æfa knattstjórnun bætir t.a.m. fyrstu snertingu á bolta og þá er móttakan orðin betri. Þegar móttaka er orðin góð þá er auðveldara að senda. Skottækni og knattrak styrkjast sömuleiðis með knattstjórnun.

Þegar fyrsta snertingin er orðin þannig að þú ert farin að geta tekið boltann með þér í „fyrsta“ eins og sagt er. Þá strax ertu kominn með miklu betri færni heldur en áður.

Talandi um Xavi þá stoppar hann aldrei boltann og fr svo af stað. Hann tekur boltann iðulega með sér í fyrstu snertingu og býr þannig til meira svæði fyrir sjálfan sig og þannig meira skapandi.

Það er einnig gríðarlega mikilvægt að mínu mati að sendingar fari ekki beint í fætur á meðspilaranum heldur fyrir framan leikmanninn. Þannig gerast hlutirnir hraðar.

Xavi sendir heldur ekki bara innanfótar. Alveg eins og móttaka á bolta getur ekki alltaf verið innanfótar. Leikmaður þarf að geta tekið á móti bolta á margvíslegan hátt að mínu mati. Hvort heldur er innan eða utanfótar, með rist, tá eða hvað þetta nú allt heitir.

Leikurinn er síbreytilegur og þarf leikmaður að geta brugðist við öllum aðstæðum og fá rúm í sinni hæfileikamótun til að þróa ofangreinda færni.

Leikmenn þurfa einnig að geta sent bolta á margvíslegan hátt. Ef þú sendir alltaf innanfótar og jafnvel alltaf í þá átt sem þú snýrð. Verðurðu fljótt mjög fyrirsjáanlegur leikmaður.

Leikmenn þurfa að geta sent jafnt einfaldar og skapandi sendingar. Leikmaður sem getur sent ófyrirsjáanlegar sendingar er gríðarlega mikilvægur leikmaður.

Anders Iniesta fyrrum samherja Xavi hjá Barcelona og Spænska landsliðinu er gott dæmi um leikmann sem notar bæði innan og utanfótar í samspili.

Hér er mark sem Iniesta skoraði fyrir nokkrum árum hvar í sömu sókninni hann notar innanfótar, utanfótar og tá. Hér er markið

Leikmaður sem er jafnvígur á báða fætur. Getur tekið á móti og sent bolta á margvíslegan hátt hefur þróað með sér frábæra færni. Þannig leikmanni er erfitt fyrir mótherja að mæta hvar engin veit hvað gerist næst!

Ég hvet alla unga leikmenn að vera duglegir að æfa sig heima. Eins og í öðru þá er ekki nóg að æfa sig, heldur þarf að æfa sig rétt! Knattstjórnun er sá hluti sem styrkir alla aðra þætti leiksins og mikilvægt að það sé reglulegur þáttur í því sem þú gerir.

Æfðu báða fætur. Það að vera jafnvíg(ur) á báða fætur getur líka verið fyrirbyggjandi varðandi meiðsli seinna meir.

Æfðu utanfótar, innanfótar, rist og það sem þér dettur í hug. Vertu svo huggrakkur/hugrökk að prófa þessa hluti í spili á æfingum því þannig nærðu að þróa færnina og gera hana að þínum leik.

Knattspyrnukveðjur,
Heiðar Birnir Torleifsson