Keflvíkingar heimsóttu Stjörnumenn í Garðabæinn nú í kvöld í loka leik dagsins í 20.umferð Bestu deildar karla.
Keflvíkingar höfðu fyrir leikinn tapað síðustu tveimur leikjum sínum í deildinni og var því kærkomið fyrir gestinna að sunnan að komast aftur á sigurbraut.
Lestu um leikinn: Stjarnan 0 - 2 Keflavík
„Bara geðveik og gott að ná þessum stoðsendingum og geggjað að ná að vinna." Sagði glaður Adam Ægir Pálsson eftir leik en hann lagði upp bæði mörk Keflavíkur í kvöld og því réttilega maður leiksins.
Adam Ægir lagði upp bæði mörk Keflavíkur en var svo ekki langt frá því að skora sjálfur en hann var flaggaður rangstæður undir lok leiks þegar hann hafði náð að koma boltanum yfir línuna.
„Ég átti nokkur góð skot og eitt rangstöðumark sem ég veit ekki hvort að hafi verið rangstæða en svona er þetta og þetta kemur í næsta leik, ég mun skora í næsta leik."
Keflvíkingar mæta Víkingi R. í næstu umferð og því mun Adam Ægir ekki spila þann leik en hann er á láni hjá Keflavík frá Víkingum.
„Það er geggjaður leikur næst, Keflavík-Víkingur það eru tvö af mínum bestu liðum og það verður spennandi að sjá hann en svo er þetta bara úrslitaleikur á móti Fram sem við stefnum á að vinna."
Ertu búin að gera það upp við þig hvor meginn í stúkunni þú verður á móti Víking?
„Ætli ég verði ekki bara mitt á milli".
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
