Mál Pogba er flókið og mjög svo furðulegt í alla staði en allt byrjaði þetta í mars á þessu ári er hann heimsótti fjölskyldu sína í París.

Hann fékk boð um að fara til vina sinna og þar stóðu tveir vopnaðir menn og kröfðust þess að hann myndi láta þá fá 13 milljónir evra fyrir að hafa verndað hann síðustu ár.

Mathias, bróðir Pogba, er hluti af þessu glæpagengi og vilja mennirnir allir fá sinn skerf af tekjum leikmannsins. Pogba tilkynnti málið er hann sá bróður sinn á æfingasvæði Juventus í sumar, en þá varð honum ljóst að hann væri tengdur málinu.

Pogba tilkynnti málið til lögreglunnar í París og er glæpagengið nú til rannsóknar en Mathias hefur síðan þá hótað að opinbera ýmislegt úr lífi bróður síns. Hann hefur talað um að Pogba hafi leitað til galdralæknis til að setja bölvun á Kylian Mbappe, liðsfélaga hans í franska landsliðinu.

Miðjumaðurinn hefur neitað þessu en viðurkennt að hafa farið til galdralæknis í þeim tilgangi að hjálpa góðgerðarsamtökum í Afríku, ekki til að leggja bölvun á Mbappe.

Nasri, sem spilaði fyrir Arsenal og Manchester City, er óhress með þessar fregnir af Pogba. Báðir eru múslimar og er það talin sem synd að leita verndar utan trúarinnar.

„Þetta er algjör mótsögn. Hann er múslimi. Ef þú þarft að verna þig frá einhverju þá leitar þú til guðs, ekki til galdralæknis," sagði Nasri við Canal´+.