Gyökeres hafi engan áhuga á því að fara með Amorim

Gyökeres, sem er 26 ára, hefur skorað 59 mörk í 65 leikjum fyrir Sporting en á þessu tímabili er hann búinn að skora 16 mörk í 15 leikjum.

Hann er líklega eftirsóttasti framherji Evrópu en hann hefur einnig verið orðaður við Arsenal, Chelsea Liverpool og Manchester City.

Samkvæmt Record telur Gyökeres það eina jákvæða við Man Utd það að Amorim, sem hefur þjálfað hann hjá Sporting, sé að taka við liðinu. Annars sé ekki mikið að heilla hann.

Gyökeres sagði í viðtali um liðna helgi að hann væri að njóta lífsins hjá Sporting.