Leikvangurinn í Lendava. Fleiri myndir, sem teknar voru í dag, má sjá hér fyrir neðan.
Það neitar því enginn að Ísland hefur mun öflugra kvennalandslið en Slóvenía en liðin mætast á leikvanginum í Lendava í Slóveníu á morgun.
Stór hluti leikmannahóps Íslands á ansi góðar minningar frá þessum velli því þarna mættum við Slóveníu í undankeppninni fyrir EM 2017 og unnum 6-0 sigur.
Stór hluti leikmannahóps Íslands á ansi góðar minningar frá þessum velli því þarna mættum við Slóveníu í undankeppninni fyrir EM 2017 og unnum 6-0 sigur.
Sannkölluð gönguferð í garðinum þar sem Margrét Lára Viðarsdóttir, Sandra María Jessen, Dagný Brynjarsdóttir og Harpa Þorsteinsdóttir skoruðu mörkin. Þær tvær síðarnefndu voru með tvö mörk hvor.
Margrét og Dagný eru báðar fjarverandi í núverandi hóp vegna óléttu en Harpa Þorsteinsdóttir er hinsvegar nýkomin aftur í hópinn eftir að hafa eignast barn.
Leikurinn sem hér er rifjaður upp fór fram 26. nóvember 2015 en byrjunarlið Íslands var svona: Guðbjörg Gunnarsdóttir (m), Glódís Perla Viggósdóttir, Hólmfríður Magnúsdóttir, Sara Björk Gunnarsdóttir, Margrét Lára Viðarsdóttir (f), Dagný Brynjarsdóttir, Hallbera Guðný Gísladóttir, Harpa Þorsteinsdóttir, Anna Björk Kristjánsdóttir, Rakel Hönnudóttir, Fanndís Friðriksdóttir.
Leikvangurinn, Sportni park Lendava, tekur um 2.000 manns í sæti en starfsmaður slóvenska knattspyrnusambandsins sagði við Fótbolta.net í dag að hann vonaðist eftir góðu veðri og um þúsund áhorfendum. Það rigndi á æfingunni í dag en spáð er flottu veðri á morgun.
Lið ND Lendava 1903 spilar á vellinum en félagið var endurstofnað 2012 eftir að hafa orðið gjaldþrota það ár. Liðið leikur nú í slóvensku B-deildinni og er í þriðja sæti eftir að hafa komið upp úr C-deildinni í fyrra.
Þá er leikvangurinn notaður fyrir kvennalandslið Slóveníu og yngri landslið karla.
Vallaraðstæður virtust þokkaklega þegar útsendarar Fótbolti.net skoðuðu völlinn í dag en markteigarnir beggja megin mættu þó vera betri.
Hér að neðan má sjá úr leiknum frá 2015:
Athugasemdir
