Nýliðarnir í Keflavík unnu frábæran 1-3 sigur á Íslandsmeisturum Blika í Pepsi-Max deild kvenna í dag. Ásta Eir, fyrirliði Blika, var ósátt með úrslitin en sagði að heimakonur hefðu heilt yfir verið betri í leiknum:
Lestu um leikinn: Breiðablik 1 - 3 Keflavík
„Við vorum ekkert slakar í þessum leik en hefðum kannski átt að byrja af betri krafti og skerpa aðeins á hlutunum en heilt yfir vorum við miklu betri. Þetta var samt ekkert okkar besti dagur. Ég er bara svekkt með þetta."
„Hlutirnir voru ekki að falla með okkur, við áttum alveg fínar sóknir. Ætli það hafi ekki bara vantað upp á kraft og baráttu heilt yfir."
Aerial Chavarin var frábær fyrir Keflavík í dag og réðu varnarmenn Blika lítið við hana.
„Hún er öflug og við vissum alveg að sóknaruppleggið þeirra væri að dúndra fram á hana sem gekk svosem. Hún er góður leikmaður, en við hefðum bara átt að gera betur.
Gengi Blika hefur verið kaflaskipt í sumar, þær hafa bæði átt frábæra stórsigra og slæma leiki. Eru Íslandsmeistararnir að vanmeta minni liðin?
„Nei alls ekki, við vanmetum aldrei liðin í þessari deild. Við höfum verið svolítið upp og niður og það er eitthvað sem við þurfum að laga. Við erum með gott lið og góðan hóp og þurfum að finna taktinn. Heilt yfir í sumar erum við búnar að spila fínt en eigum helling inni."
Athugasemdir
