Rashford: Hef sjaldan verið jafn góður
Mynd: EPA
Mynd: EPA
Marcus Rashford framherji Manchester United var stórkostlegur í 3-1 sigri liðsins gegn Everton í Enska bikarnum í kvöld.
Hann lagði upp tvö fyrstu mörkinn og skoraði síðasta markið af vítapunktinum á lokasekúndum leiksins.
„Það er alltaf gaman að komast áfram í bikar, þetta er einstök keppni. Við erum ánægðir með að komast áfram og mikilvægara að halda dampi," sagði Rashford.
United hefur unnið í sex síðustu leikjum í öllum keppnum. Rashford er með 13 mörk og 6 stoðsendingar í 24 leikjum.
„Ég hef sjaldan verið jafn góður, hvað varðar markaskorun. Mér líður vel á vellinum og ef við höldum áfram að búa til færi hef ég trú á því að ég haldi áfram að skora," sagði Rashford í viðtali hjá ITV.
Roy Keane sagðist ætlast til að sjá svona frammistöðu frá Rashford í hverri viku.
„Hann er með sjálfstraust. Þegar hann fer einn á einn þá mun hann vinna það einvígi," sagði Keane.
