Spænski bikarinn: Orri Steinn kom inn á í sigri Real Sociedad

Real Sociedad er komið áfram í undanúrslit spænska konungsbikarsins eftir sigur á Osasuna í kvöld.

Liðin áttust við í deildinni um síðustu helgi þar sem Orri Steinn Óskarsson kom inn á sem varramaður og skoraði sárabótamark fyrir Sociedad í 2-1 tapi.

Hann byrjaði aftur á bekknum í kvöld en fyrirliðinn Mikel Oyarzabal var í fremstu víglínu. Oyarzabal lagði upp bæði mörk liðsins í fyrri hálfleik.

Sociedad var manni fleiri frá 35. mínútu en tókst ekki að bæta við mörkum. Orri Steinn kom inn á fyrir Oyarzabal eftir tíu mínútna leik i seinni hálfleik. Barcelona er að spila gegn Valencia þessa stundina í síðasta leik átta liða úrslitanna en þar er staðan 1-0 fyrir Barcelona eftir fiimm mínútna leik.