Bruno Fernandes, miðjumaður Manchester United.
„Bruno Fernandes ýtti aðstoðardómaranum. Hann lét eins og nefið á sér hefði sprungið þegar Ibrahima Konate kom við brjóstkassann á honum. Hann tók dýfu til að reyna að fá víti á Alisson. Hann elti ekki Stefan Bajcetic. Hann veifaði höndum þegar Erik ten Hag tók hann ekki af velli. Bruno Fernandes átti eina verstu frammistöðu sem við höfum séð frá úrvalsdeildarleikmanni, sérstaklega fyrirliða."
Svona hefst pistill Chris Sutton í Daily Mail þar sem hann gagnrýnir Bruno Fernandes harðlega fyrir hans spilamennsku í 7-0 tapinu gegn Liverpool á Anfield í gær.
Svona hefst pistill Chris Sutton í Daily Mail þar sem hann gagnrýnir Bruno Fernandes harðlega fyrir hans spilamennsku í 7-0 tapinu gegn Liverpool á Anfield í gær.
Sutton segir að Bruno eigi skilið að fara í langt bann fyrir að ýta aðstoðardómaranum.
„Það er nógu slæmt að Liverpool sé að tortíma þér, en svo sérðu manninn með fyrirliðabandið láta Ten Hag heyra það fyrir að hafa ekki skipt sér út af. Er hann í alvöru leiðtogi sem aðrir eiga að fylgja?"
„Sama hvað þér finnst um Harry Maguire, sem er fyrirliði félagsins, þá myndir þú ekki sjá hann hegða sér svona á vellinum. Ten Hag tók á vandamálinu með Cristiano Ronaldo, nú þarf hann að taka á Bruno. Að mínu mati á hann ekki skilið að vera með fyrirliðabandið gegn Real Betis á fimmtudaginn," segir Sutton.
Bruno Fernandes vs Liverpool
— Zaid (@zkhan427) March 6, 2023
Multiple dives
Multiple questionable challenges
This sequence where he kicks out at Trent then makes contact with/ pushes linesman
Still ends up not getting booked by full time. pic.twitter.com/QbiCiEqoHV
Athugasemdir
