Forráðamenn félaga í ensku úrvalsdeildinni munu hittast á fundi í dag til að ræða næsta tímabil.

Á meðal þess sem verður rætt á fundinum er hvort halda eigi áfram með fimm skiptingar eins og gert var undir lokin á nýliðnu tímabili.

Félögin munu kjósa um það hvort halda eigi fimm skiptingum áfram á næsta tímabili en 14 af 20 félögum verða að kjósa með tillögunni til að hún gangi í gegn.

Líklegra þykir að tillagan verði felld og farið verði aftur í hefðbundnar þrjár skiptingar.