Guðlaugur Victor kominn til að vera á miðjunni?

„Guðlaugur Victor er ekkert að fara í hægri bakvörðinn. Hann gerir bara tilkall til þess að standa við hlið Arons Einars á miðjunni á móti Rúmeníu," segir Tómas Þór Þórðason í Innkastinu.

Guðlaugur Victor Pálsson átti frábæran leik á miðjunni þegar Ísland tapaði naumlega 0-1 gegn Englandi í Þjóðadeildinni í gær.

Hann hefur fest sig í sessi sem hægri bakvörður í íslenska landsliðinu en vangaveltur eru uppi um hvort Hamren muni halda honum á miðjunni þegar leikið verður gegn Rúmenum í næsta mánuði, í umspilsleik um að komast á EM alls staðar.

„Magnús Már Einarsson er sammála Tómasi: Gylfi fyrir framan þá og Jói og Birkir á köntunum," segir Magnús og Tómas svarar:

„Ég veit ekkert hvort Birkir byrji í þessum leik gegn Rúmeníu. Ég veit ekkert um það. Guðlaugur Victor var miklu betri en hann í þessum leik og rúmlega það."