Bailly, sem er enn á mála hjá United, var lánaður til Marseille út þetta tímabil. Marseille mun kaupa hann ef ákveðnum skilyrðum er mætt.

Á síðustu tveimur tímabilum hans með United spilaði hann aðeins 28 leiki í heildina og þá aðeins sjö leiki á síðustu leiktíð.

Hann var alls ekki sáttur við hvernig liðið var valið hjá United en hann segir að félagið kjósi frekar að hafa enska leikmenn í liðinu fram yfir leikmenn frá öðrum löndum.

Það er nokkuð ljóst að hann er þarna að skjóta á valið á Harry Maguire, sem var alltaf tekinn framyfir hann, þrátt fyrir að hafa spilað langt undir getu.

„Félagið ætti að forðast það að hafa Englendinga í uppáhaldi og gefa öllum leikmönnum tækifæri. Félagið ætti að fagna því og hvetja til þess að hafa samkeppni í búningsklefanum og ekki bara að fylgjast með sumum. Ég hef alltaf haft það á tilfinningunni að heimamenn séu í forgangi," sagði Bailly.