Rangers er orðinn skoskur meistari en þetta varð ljóst rétt í þessu þegar Celtic mistókst að vinna Dundee United á útivelli í dag.

Þetta er fyrsti deildartitill Rangers í tíu ár og hefur Steven Gerrard, stjóri liðsins, verið að gera hreint magnaða hluti með þetta lið á þessari leiktíð.

Stuðningsmenn Rangers hópuðust fyrir utan Ibrox leikvanginn í gær og fögnuðu Gerrard og leikmönnum hans innilega, þegar þeir mættu til leiks gegn St Mirren. Rangers vann þann leik og brutust út mikil fagnaðarlæti í kjölfarið. Ljóst er að þau verða ekkert minni í dag.

Rangers og Celtic mætast einmitt í næstu umferð. Rangers hefur ekki ennþá tapað deildarleik á þessari leiktíð. Liðið hefur unnið 28 leiki og gert fjögur jafntefli.

Steven Gerrard er fyrsti þjálfarinn í tíu ár sem kemur í veg fyrir það að Celtic vinni deildina.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit