Arnar Páll var svekktur eftir 1-3 tap gegn Þrótturum fyrr í kvöld í Bestu deild kvenna.
KR var sanngjarnt 1-0 yfir í hálfleik en virkuðu bensínlausar í þeim seinni og misstu forystuna niður, niðurstaðan tap eftir flotta frammistöðu framan af.
Lestu um leikinn: KR 1 - 3 Þróttur R.
„Miðað við orkuna sem við lögðum í þetta og miðað við fyrri hálfleikinn þá hefði ég viljað fá meira útúr þessu, en við vorum orðnar helvíti þreyttar eins og sást á liðinu í lokin, við vorum orðnar 9 inná í lokin.''
Munu miklar breytingar fylgja nýju þjálfarateymi hjá KR?
„Leikstíllinn mun breytast örlítið, við erum að reyna að stiga ofar á völlinn, setja pressu á liðin og koma þeim í vandræði. Mér fannst við gera það frábærlega í fyrri hálfleik og gerðum það að miklu leyti vel gegn Selfossi, Aftureldingu og ÍA í síðustu leikjum, þetta tekur smá tíma með nýjum áherslum og nýjum þjálfurum.''
Viðtalið í heild sinni má sjá í spilaranum hér að ofan, en þar ræðir Arnar betur um leikinn, breytingarnar á liðinu og leikmenn.
