Sjö Stjörnumenn í landsliðunum
Hér má sjá þrjá af sjö landsliðsmönnunum fagna marki Baldurs Loga í gær. Eggert Aron, Róbert Frosti og Guðmundur Baldvin eru allir í U19.
Sjö Stjörnumenn voru valdir í U19 og U21 landsliðin í gær. Fimm í U19 sem er á leið í lokakeppni EM og tveir í æfingaleiki með U21.
„Að sjálfsögðu er það ánægjuefni, ótrúlegt afrek fyrir félagið og alla sem hafa staðið að því; þjálfun og utanumhaldi. Við megum allir vera mjög stoltir og erum það, hinir leikmennirnir líka. Bara frábært," sagði þjálfarinn Jökull Elísabetarson eftir leikinn gegn KR í gær.
„Að sjálfsögðu er það ánægjuefni, ótrúlegt afrek fyrir félagið og alla sem hafa staðið að því; þjálfun og utanumhaldi. Við megum allir vera mjög stoltir og erum það, hinir leikmennirnir líka. Bara frábært," sagði þjálfarinn Jökull Elísabetarson eftir leikinn gegn KR í gær.
Mótið fer fram 3.-16. júlí á Möltu. Einn deildarleikur Stjörnunnar er settur á 7. júlí gegn Breiðabliki og í aðdraganda mótsins, 29. júní, á liðið leik gegn FH. Ef íslenska liðið fer alla leið í mótinu á Stjarnan svo leik gegn Val daginn eftir úrslitaleik mótsins.
Mun Stjarnan óska eftir frestunum á leiki?
„Já, ég reikna með því. Þetta eru margir leikmenn, margir sem eru í byrjunarliði eða hafa verið að byrja. Við munum óska eftir frestun."
Ungmennafélagið Stjarnan
— Silfurskeiðin (@Silfurskeidin) June 6, 2023
Við erum afskaplega stolt af ungu kynslóðinni og fulltrúum okkar í næstkomandi landsliðsverkefnum.
U21
Ísak Andri
Örvar Logi
U19
Sigurbergur
Adolf Daði
Eggert Aron
Gummi Baldvin
Róbert Frosti #InnMedBoltann #Skeidin pic.twitter.com/eRyefAw035
Athugasemdir
