Félög í ensku C og D-deildinni hafa samþykkt að vera með launaþak í deildinni á næsta tímabili til að takast á við fjárhagslegar afleiðingar kórónuveirunnar.

Félög í ensku C-deildinni mega vera með launakostnað upp á 2,5 milljónir punda (445 milljónir króna) á tímabilinu en í D-deildinni hljóðar upphæðin upp á 1,5 milljón punda (267 milljónir króna).

Inn í tölunni eru öll laun, bónusar og greiðslur til umboðsmanna en átt er við kostnað fyrir leikmenn sem eru 21 árs og eldri.