Leikmenn Andorra fagna á gervigrasinu sínu í dag.
Afar óvænt úrslit litu dagsins ljós í Andorra í dag þegar U21 lið Englands gerði 3-3 jafntefli við heimamenn.
Andorra átti þrjár marktilraunir í dag og þær fóru allar í markið framhjá Aaron Ramsdale markverði Sheffield United. Jöfnunarmarkið kom í viðbótartíma við mikinn fögnuð heimamanna.
Tom Davies (Everton), Joshua Dasilva (Brentford) og Eddie Nketiah (Arsenal) skoruðu mörk Englendinga í leiknum.
Brandon Williams (Manchester United), Dwight McNeil (Burnley), Curtis Jones (Liverpool), Callum Hudson-Odoi (Chelsea) og fleiri leikmenn úr ensku úrvalsdeildinni spiluðu með Englandi í dag.
Englendingar höfðu unnið alla sex leiki sína í undankeppninni fyrir leikinn í dag en þeir eru svo gott sem öruggir með sæti á EM á næsta ári.
90+1 - Goal Andorra U21s!
— David Freezer (@davefreezer) October 7, 2020
Chaotic celebrations, keeper runs the length of the pitch, after Christian Garcia breaks through and lobs Ramsdale for 3-3 in injury-time!
Andorra U21s 3 England U21s 3
Athugasemdir
