Lilleström vill halda Arnóri innan sinna raða en fleiri félög á Norðurlöndunum hafa áhuga á honum sem og félög utan
Norðurlandanna. Arnór er í íslenska landsliðshópnum sem mætir Svíþjóð og Eistlandi í vináttuleikjum í Katar á næstu dögum en í kjölfarið mun framtíð hans skýrast.

„Það hafa verið þreifingar í gangi. Ég hef fengið tilboð frá Skandinavínu sem ég er að melta og svo finn ég fyrir áhuga á meginlandinu. Það er mikilvægt að velja vel. Þegar ég er hérna þá ætla ég að fókusa á landsliðið og standa mig vel í þessum tveimur leikjum," sagði Arnór við Fótbolta.net í Katar í dag.

Arnór hefur fundið fyrir áhuga víðsvegar af í heiminum. „Það er alls staðar að. Það er bæði í Bandaríkin og Asía sem og aðeins suður eftir. Þegar maður er svona í stöðu þá er allt opið en það skiptir miklu máli að velja rétt. Lilleström er líka inni í myndinni. Ég átti fínan tíma þar og það er að sjálfsögðu líka inni í myndinni."

50/50 hvort Norðurlöndin verði fyrir valinu
Arnór hefur spilað í Hollandi, Danmörku, Svíþjóð, Rússlandi og Noregi en hverjar eru líkurnar á að hann prófi eitthvað nýtt utan Evrópu?

„Það er 50/50. Ég er búinn að vera svolítið lengi á Norðurlöndunum núna og prófa Danmörku, Svíþjóð og Noreg. Það væri gaman að prófa eitthvað nýtt. Maður er ævintýragjarn. Þetta á eftir að koma betur í ljós á næstu vikum," sagði Arnór sem vill stimpla sig inn í íslenska landsliðið í komandi leikjum.

„Maður vill koma sér nær aðalhópnum. Það er stefnan hjá öllum hérna. Þetta eru tveir flottir leikir og ég er spenntur fyrir þeim,"

Kærastan frá Svíþjóð heldur með Íslandi
Arnór spilaði með Hammarby í Svíþjóð og þekkir vel til sænska liðsins sem Ísland mætir í vináttuleik í Katar á föstuadginn.

„Ég á sænska kærustu og þetta er extra stór leikur á heimilinu. Hún heldur með Íslandi í leiknum, það kemur ekkert annað til greain. Annars myndum við hætta saman," sagði Arnór léttur að lokum.

Hér að ofan má sjá viðtalið í heild sinni.