Ísak Atli í Aftureldingu (Staðfest)

Afturelding hefur samið við varnarmanninn Ísak Atla Kristjánsson sem kemur frá uppeldisfélagi sínu Fjölni. Ísak er tvítugur að aldri og getur bæði leyst stöðu miðvarðar og bakvarðar.

Ísak á að baki 33 leiki í deild og bikar. Hann var á láni hjá Leikni tímabilið 2017 og sömuleiðis hjá Haukum tímabilið 2018.

Ísak á að baki 22 leiki með yngri landsliðum Íslands og hefur hann skorað í þeim tvö mörk. Hann var hluti af sterku liði Íslands sem náði góðum árangri á Ólympíuleikum æskunnar árið 2015.

Afturelding gerir tveggja ára samning við Ísak Atla sem mun leika með félaginu í Fótbolta.net mótinu á næstu viku. Að því loknu heldur Ísak aftur til Bandaríkjanna þar sem hann er í háskólanámi. Ísak kemur aftur til liðs við Aftureldingu í lok maí og leikur með liðinu fram í miðjan ágúst þegar hann heldur aftur til Bandaríkjanna.

<i>„Ísak er öflugur varnarmaður sem hefur þrátt fyrir ungan aldur talsverða reynslu í meistaraflokki. Hann styrkir liðið okkar vel og smellpassar inn í leikmannahópinn,“</i> segir Magnús Már Einarsson, þjálfari Aftureldingar.

Afturelding hafnaði í áttunda sæti 1. deildarinnar á síðasta tímabili.