Það eru spennandi leikir á dagskrá í Lengjubikarnum í kvöld þar sem keppt er í efstu deild í karla- og kvennaflokki.
Fjörið hefst strax klukkan 16:45 þegar Leiknir R. tekur á móti ÍBV í A-deild karla. Bæði lið eru með þrjú stig en ÍBV á tvo leiki til góða.
Skömmu síðar hefst stórleikur Vals gegn Selfossi í kvennaflokki en þar hafa Íslandsmeistarar Vals farið illa af stað og eru með tvo tapleiki eftir tvær umferðir. Selfoss er með einn sigur og eitt tap.
KR mætir svo ÍA í karlaflokki áður en Valur og Grindavík eigast við. Það eru því tveir leikir sem fara fram á Hlíðarenda í kvöld.
Léttir og GG eigast að lokum við í C-deild Lengjubikarsins.
Lengjubikar karla - A-deild, riðill 1
19:00 KR-ÍA (KR-völlur)
20:00 Valur-Grindavík (Origo völlurinn)
Lengjubikar karla - A-deild, riðill 2
16:45 Leiknir R.-ÍBV (Domusnovavöllurinn)
Lengjubikar karla - C-deild, riðill 3
20:00 Léttir-GG (ÍR-völlur)
Lengjubikar kvenna - A-deild, riðill 1
17:30 Valur-Selfoss (Origo völlurinn)