„Þetta var mjög sætt. Skyldusigur og ágætis frammistaða. Við gerðum það sem við þurftum að gera," sagði Gylfi Þór Sigurðsson eftir 1-0 sigur á Albaníu í undankeppni EM í dag.
Lestu um leikinn: Ísland 1 - 0 Albanía
Gylfi var frábær í leiknum og fór fyrir sínu liði.
„Við vorum ekki upp á okkar besta sóknarlega. Völlurinn var mjög þurr. Það hægði á spilinu. Vörnin var fín og þeir sköpuðu sér ekki mjög mikið. Þetta var jafn leikur. Viljinn hjá okkur var það sem skildi að."
„Við höfum spilað stærri leiki en þetta, en auðvitað var þetta skyldusigur. Næsti leikur er eins, við verðum að vinna þessa tvo heimavelli. Það er eins og í síðustu undankeppnum, þú þarft að vera sterkur á heimavelli."
„Við erum flestir á besta aldri, fyrir utan Kára," sagði Gylfi léttur. „Við erum í kringum 28, 29, þrítugt. Við erum í mjög góðu standi. Hungrið er alltaf til staðar í þessu liði. Við höfum upplifað frábæra tíma síðustu fimm, sex ár. Stemningin að fara á stórmót, það er nóg að upplifa það einu sinni þá viltu fara aftur."
Viðtalið er í heild sinni hér að ofan.
Athugasemdir
