Hólmbert Aron Friðjónsson var orðaður við endurkomu í KR í Þungavigtinni fyrir helgi. Hólmbert er án félags eftir að samningur hans við Holstein Kiel rann út í síðasta mánuði. Hólmbert, sem er 31 árs framherji, byrjaði tvo leiki og kom inn á í tólf leikjum þegar Kiel endaði í 2. sæti 2. Bundesliga og komst upp í efstu deild.
Hann skoraði tvö mörk í bikarnum og eitt í deildinni á tímabilinu.
Hann skoraði tvö mörk í bikarnum og eitt í deildinni á tímabilinu.
Lestu um leikinn: KR 1 - 1 Stjarnan
Hann lék á sínum tíma, 2015-16, 28 keppnisleiki fyrir KR og skoraði í þeim sjö mörk. Hann á þá á að baki sex A-landsleiki og hefur í þeim skorað tvö mörk. Hann var síðast valinn í landsliðið í mars 2021.
Pálmi Rafn Pálmason var spurður út í meintan áhuga frá KR í viðtali eftir leik liðsins gegn Stjörnunni á laugardag.
„Ég fékk skilaboð frá Hólmberti í gær þar sem hann spurði mig hvaðan þetta kæmi. Ég gat ekki svarað því. Ekki vitum við af þessu og ekki veit hann af þessu, þannig ég held það megi bara setja þetta ofan í skúffu núna bara," sagði Pálmi sem var leikmaður KR þegar Hólmbert var hjá félaginu.
Samkvæmt heimildum Fótbolta.net er Hólmbert ekki á leið til Íslands. Hann er þessa dagana orðaður við AIK og Hammarby í Svíþjóð og einnig er sagt að það sé áhugi honum frá Belgíu.
Fer Hólmbert Aron til Svíþjóðar eða Belgíu?
— Orri Rafn Sigurdarson (@OrriRafn) July 7, 2024
Hammarby og AIK ásamt fleiri sænskum liðum sögð meðal liða sem hafa sýnt áhuga og haft samband við leikmanninn.
Þó er ekkert samningstilboð á borðinu sem stendur. #fotboltinet pic.twitter.com/IB9OabwgcK
Athugasemdir
