Fjórmenningarnir
Fótbolti.net heyrði af hópi Þjóðverja sem mættir eru til landsins til að sjá leik Íslands og Þýskalands í kvöld. Það væri kannski ekki til frásögu færandi ef ekki væri fyrir þá staðreynd að þeir þýsku styðja Ísland í leiknum.
Þeir Jan Diecke, Heiko, Carsten og Heiko eru stuðningsmenn íslenska liðsins og hefst þetta allt á því að á bóndabænum hjá fjölskyldu Jans eru íslensk hross.
Jan kom fyrst hingað til lands til að sjá einmitt leik Íslands og Þýskalands árið 2003. Hópurinn myndaðist svo árið 2013 þegar Ísland mætti Króatíu í umspili fyrir HM. Þá kynntust þeir Tólfunni og sitja hjá þeim á leiknum.
Þeir voru spurðir af hverju þeir styðja íslenska liðið en ekki það þýska og þeirra svar var að þeir styðji liðið en ekki landið. Þeir voru einnig mættir á leikina gegn Rúmeníu og Norður-Makedóníu.
Viðtalið má sjá í spilaranum að ofan. Það er Jan sem sá um að tala, viðtalið er á ensku.
