Potter er 47 ára og hefur verið að gera spennandi hluti í þjálfun. Hann tók við Östersund i D-deildinni í Svíþjóð í janúar 2011 og kom liðinu upp í þá efstu, gerði það að bikarmeisturum og í riðlakeppni Evrópudeildarinnar.

Hann var eitt ár hjá Swansea áður en hann tók við Brighton 2019. Hjá Brighton innleiddi hann skemmtilegan leikstíl sem skilaði liðinu einnig góðum árangri.

„Ég er afskaplega stoltur og spenntur að taka við þessu nýja starfi. Ég hlakka mikið til að hitta þennan spennandi hóp leikmanna og þróa lið og menningu sem gleðja stuðningsmenn og gera þá stolta," segir Potter.